Āwhina mātou ki te kohi moni mō te Whirinaki Rauropi o Rotoehu me Kōkako Ecosanctuary kia taea ai e rātau te haere tonu a rātau mahi atawhai ki te whakahoki mai i tēnei manu ātaahua i te tapahanga o te whakangaro.
E kī ana ētahi kei te hapori te kaha whakatipu i te tamaiti, tika rawa atu tēnā, koia tonu hoki te kēhi i a Kōkako e nohinohi ana. Kua tuku wā hei hokinga mahara i ahu mai tātau i hea, ā, kei te hakari mō ērā e here nei kia tātau i tēnei omanga roa. Haere oma tahi tātau.
Nā Helen rāua ko Christian, i ihiihingia i tā rāua haerenga tata nei ki Ūropi, ko tā rāua wana mō te whaiwaro me te ata nuku hōtaka whakaora i te manu Kōkako i tukuna ki te ao i te papa ā-iwi i Aotea, Tāmaki Makaurau.
Āmua Ārunga, ko Helene rāua ko Christian i whiwhi i tētahi kawhei i te koko o Parnell me Ayr rori i Parnell kei te hokohoko pīni a Kōkako ki tēnei rā tonu nei!
E whakatipu whānau nei a Helen rāua ko Christian ka tukuna kia Mike ngā reina a kōkako i te tau 2007. Tae noa atu ki 2009 i a Mike te tīni tuku Kōkako mā ngā tīwhikete pāti-toru a BioGro Aotearoa me Fairtrade. E kawe whakahīhī nei mātau i ēnei tīwhikete mai rā anō.
I tere tīnihia e te tīma Kōkako te pūmanawa hapori tawhito ō Grey Lynn ki tētahi wāhi mārama, māhorahora, kawhei pōwhiri e aro tau ana ki te tuku tino kawhe me te kai huahira hoki. Ī nukua tō mātou tīma tari ki te papa tuarua, ā, i tahua e mātau i roto i te kawhei i te tīmatanga i mua i te nekenga ō te tahu ki tērā taha o te rori ki roto i tētahi karāti motokā tahito.
I mahi tahi mātau me tētahi pakihi takai kamupene-Kiwi, a Convex, ki te whanake i tētahi rongoa takai wairākau e tau ana ki te ahumahi kawhe. Kei te whakamahi tonu mātau i ō rātau takai ki ēnei ra, kei te mahia katoatia i te wheketere i Kirikiriroa.
Me te mōhio anō he putanga waro i tō mātau tīni whakarato e kore e taea te aha. Nā Kōkako a Fairtrade Hōrana i urutau i ō rātau pūnaha taurite waro mō te mākete ō Aotearoa. I te parematatia ā mātau waro mai rā anō.
Kua puta tipu noa atu te toatahu kei tērā taha o te huarahi i te kawhei i Grey Lynn, a, i hūpeke atu ki tētahi wāhi nunui kē atu i Mt Eden. Anō ko tēnā i hokona te kawhei i Grey Lynn ki tētahi kaiwhakahaere tino pai hei pupuri i te paerewa a Kōkako.
I te tau Whiringa-a-nuku 2019 i tīmatahia e mātau tā mātau whakarārangi tini pākete tuatahi i te uiuitanga ā tō mātau tīma he aha rā mātau e takai ota pēke tahi kirokaramu, ā, ka tuku ā-rohe, tā te mea ka taea tonu e tātau te torotoro i ō tātau kiritaki kawhei kaihoko ō Tāmaki Makaurau e rua wā ia wiki. Te taenga ki Whiringa-ā-nuku 2020 kua eke mai ki te 68% kiritaki, ā, 8,000+ (nuku atu) ngā pēke mahinga-tahi kua kore nei.
I tō mātou rongonga mō Kokorū Tauhokohoko e huaki ana i te puku o Tāmaki Makaurau i whakaaro mātou koia nei te wā hei whakapuare i tō mātou pā kawhe waka haki aronga whanake i te tāone — tētahi, i ō mātau rārangi whakaaro mai rā anō. Mai i te manaakitanga ā ētahi hautupua i hangaia e mātau he pā mai i te waru mano waru rau waru tekau (nuku atu) pātara miraka parahītiki rua rīta me te whakapai mā ngā tino taputapu te kitea ai hei whiwhinga kawhe kounga, tino matatautanga mō te iwi hei āta whakaaro.
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Ngā Kōrerorero Me
Te tohu i te pehu pai mō tō inu kawhe
Mō ērā me te mihīni huri
He pai rawa atu mō ngā poupana, mō te kawhe tahu mātao mō ngā tiaka Moka me ngā Clever Drippers
He pai rawa atu mō Chemex, V60 me Aeropress
He pai rawa atu mō te Moccamaster
He pai rawa atu mō ngā mihīni espresso o te kāinga me ngā kākano whakakī
Ngā taputapu katoa me te kore whakaaro? Ka whakaākona koe e mātau ki te mahi kawhe pārītā-whaitake me ngā taputapu e mahia ana e koe.
Te āhua pea he mea tino ngāwari te whakamahi i te poupana. Otirā me matatau ki te taira tika me te mea nei mā te tino whiringa kawhe ka pehua te kapu kawhe noa nei ki tētahi tinokawhe hari koa nei! Kua whakaritea e mātau ēnei tohutohu hei manaaki i a koe kia whiwhi i te tino painga mai i tō kawhe.
Ko te ingoa V60 i ahu mai i te pere 60, ko te koki 60° o te koeko ā kei te mahia he momo karāhe Hapanīhi rongonui e Hario. Ko te V60 i puta tuatahi i te karāhe me te uku, kātahi anō i te parahītiki, ā, i te otinga i te mētara. Ko te V60 i āta hangaia me te āhua koeko, rara tōrino me te pūare tahi rahi hei turuturu atu — ko ēnei take e mahi ana i te tahu kia tino urupare ai ki te rere a te wai, me te rahi a te pehu ki ētahi atu mākete. Ānā rā kei te kaimahi ko te kaha whakahaere o te mahi tahi.
Ka taea te whakamahi anō i tō tino hanganga kawhe pārītā momo rātei, pango roa, me ētahi atu espresso taunga inu i runga i te mihīni espresso i te kainga! Ahakoa te kaha ako ā te pārītā me te nui o ngā hāora ia wiki i muri i te mihīni hei whakatika i ā rātau mōhiohio, kei raro iho nei ko ngā whakapū mahi rua hota espresso i te mihīni espresso. He rerekē te mahi o ia mihīni, he rerekē ngā whakaputa otirā ko ēnei ngā tohutaka me ngā tāwhainga whakapū hei mahi espresso.
Ko te Chemex i tenea i te tau 1941 e te Tākuta Kemekara e Peter Schlumbohm—ko tōna aronga ko te mahi i ngā taputapu mō ia rā, kia kaua noa e pai mō te mahi engari kia ātaahua kia whai painga. I tino angitū tana matakitenga; nā te Whare Taonga Toi Hou i whakaatu i ngā tino whakaputanga i te tau 1943, nā ko ngā kaihanga Kawhe tae noa ki ēnei rā e tino āroha ana ki ngā painga ō tēnei tahu.
Ko te huna mā kei te kapu Chemex kei te tātari pepa taumaha kei te hopu i ngā hinu me ngā ngako, kia puta ai te kapu māma, mārama, whakatarapī me te tino rongoreka.
Ko te AeroPress i tenetia i te tau 2005 e Alan Adlar, nāna i hanga te rīngi maka Aerobie — koia i huaina. He tahu kawhe kawenga e mauria nei e te ringa ngaio i ā rātau e haere ana i te ao. Ki te purua e koe ko te whakatinanatanga rongoreka katoa ka taea mā te AeroPress me te ngāwari o te horoi, e kitea ai te take i whiwhi ai tēnei tahu kawhe i te whainga pūmau.
Ko te Moccamaster i mahia e Technivorm, he pakihi nō Hōrana i whakatūria i te tau 1964. Ko ia mea i mahia ā-ringa ā ka hanga ai, me ngā tini momo i hangaia i roto i ngā tau i puta ai ngā momo aratae me ngā āhua. Ko Moccamaster kei te tahu 1.25 rīta o te tino kawhe tātari reka rawa atu, āta haere ai, ata mahi hoki, i roto i te 6 minīti — hāngai ki roto i te tiaka karahe. Ngāwari te mahi, ā, ka whakawhiwhia te tahu ka hikoi atu mēnā he nui rawa ngā mahi a tō whāmere, kei a Moccamaster te mahi tāhoro mōu.
Ko te Tahu Mātao tētahi o ngā ara ngāwari, āutu kawekawe hei mahi i ētahi kapu kawhe reka rawa atu, ka taea te pupuri i roto i te pouaka mātao mo ētahi rā. Ko te Tahu Mātao, e piri nei ki te ingoa, e kore e tukuna kia wera. Tutua te kawhe pehu mātoretore ki roto i te wai mātao mō te 12–24 hāora kia puta ai te inu māma, whakatarapī, iti waikawa, i āhuatia kia tukuna ki runga hukapapa, ki tō whiringa miraka rānei.
Mō te 1 rita mahitanga tahu mātao, whāia tēnei ārahi anō, otirā e mahi i te 85 karamu o te kawhe pehu tino hou ki te 1 Rīta wai tātari mātao. Puāwaitia me te 200 karamu wai, kātahi ka tāpiria te toenga 800 karamu.
Ko te āhua me te kaupapa a te Clever Dripper tau noa ki waenga i te poupana me te tahu tāhoro runga — he tahu tutu, e whiwhi nei i te takirere rerekē kei raro e tiaki ana i te rerenga wai. Ko tēnei e whakatau tahi ana i te tinanatanga katoa me te kapu mā — ko ngā painga o ngā ao e rua kei roto i te tahu tino ngāwari ki te mahi.
Katoa o a mātau peke kawhe ka wairākautia. Ka tāea e koe te whakahoki mai i āu pēke hemahema ki a mātau kia wairākautia mōu ka tāea hoki e koe te puru atu ki tō wairākau i te kāinga. Mēnā kei te haere koe ki te wairākau i te kāinga, anei ētahi tohutohu:
Wetekina te takirere rerenga tahi ka maka i tēnei ki tō ipu para.
Tapatapahia te pēke — ka tino iti ngā wāhanga, ka tere kē atu te pākarukaru.
Whakaranumia ki tō ipu wairākau.
Ko a mātau takai i mahia i Aotearoa mai i te roroi peka whakaputa-roa me te kānga ū ira kore mai i ngā rauemi, ā, e tatū ana ngā ture wairākau ō te ao.
Hoki
