Hoki
Our Packaging is Compostable
He wairākau ā mātau putunga
Ko a mātau takai i mahia i Aotearoa mai i te roroi peka whakaputa-roa me te kānga ū ira kore mai i ngā rauemi, ā, e tatū ana ngā ture wairākau ō te ao.
Kimihia me pēhea
Āwhina mātou ki te kohi moni mō te Whirinaki Rauropi o Rotoehu me Kōkako Ecosanctuary kia taea ai e rātau te haere tonu a rātau mahi atawhai ki te whakahoki mai i tēnei manu ātaahua i te tapahanga o te whakangaro.
Ko BioGro (hunga tuatoru rongonui) e tuku tīwhikete whaiwaro ana i Aotearoa. Ko tā rātau tohu e tohu ana ko a mātau kawhe me te tiakarete inu ka whakatipuria i roto i ngā whenua ū ira rauropi kore me ngā whenua paitini-kore; he momo ahuwhenua katoa hei whakaarotau i te hauora ō te oneone, te taiao me te tangata.
Ko Fairtrade e rima tekau ōrau hea nō ngā kaimahi pāmu me ngā kaimahi, e kīa ana, ko te tangata e whiwhi mana pūnaha ana kei ā rātau te tino mana kōrero whakawhitiwhiti whakaaro. Ko te Tūopū Hokohoko o Niu Ioka e whakatau ana i te utu ō ngā pīni kākāriki (te kawhe i mua i te tahunga) — ka heke te utu, ka katia te heke utu hei whakamāmā e Fairtrade Minimum Price. Ka teitei ana, ka momoho noa. Ko ngā kaipupuri raihana o ia tau, pērā anō i a mātau, e utu ana i a Fairtrade Premium ka haere tōtika atu aua moni ki a mātau rōpū mahi tahi.
I te tau 2016 i tīmata tātau ki te whakawhaiti i ngā hautanga waro karo kore mai i a mātau toa whiwhinga hua me Fair Climate Fund e puta ai mātau hei kaitahu waro whakanoa tuatahi i Aotearoa. Ko ngā nama waro e hokona ana e mātau i tēnei wā he kaupapa tō tunu kai me ngā whānau ahuwhenua kawhe i Etiopia.
Ko a mātau takai i mahia i Aotearoa mai i te roroi peka whakaputa-roa me te kānga ū ira kore mai i ngā rauemi, ā, e tatū ana ngā ture wairākau ō te ao.
Kimihia me pēhea
Kua pono tā mātau tū ki te tahu i te kawhe kia pai ake mō te iwi me te ao, engari kaua noa e whakarongo ki a mātau kupu. I tīmata tā mātau rīpoata mō te oranga tonutanga ō te tau kia kitea te ahunga whakamua me te kawenga mahi. Mēnā he pēna te āhua ō tō pānui, kapoa he kawhe, kumea mai he tūru.
korr
kar
kor
Ko te kōkako o Te Ika-a-Mauī he manuwātara hīore hou o Niu Tīreni, tata ki te rua tekau tau e rarau ana kia kore noa e ngaro i te kitenga tangata — pērā i ngā momo rite i ngaro atu o Te Waipounamu.
I ngā rā o mua i mīharo tonu mātou i te tūtakitanga ki tētahi kāore anō kia rongo i ngā kōrero mo te kōkako, tā te mea kua eke ki te iwa tekau tau te putunga i runga i te $50 moni pepa o Aotearoa. Kāore e tino kitea ana i ēnei rā. Whai muri i te nui o te whakapau kaha ā te tini ō ngā rōpū whakaora kōkako puta noa i Te Ika ā Mauī ka ata mihi atu ki te ‘wairua hina ‘E Whakamōrea nei — e Whakaora mai na’.
I roto i ngā tau, kua tautokona e mātau ngā kaupapa whakaora kōkako i te pūtea, i te whiwhi hoki i o mātau ringa kia poke i nga rā mahi. I tēnei rā ka mahi āta mahi tātau me te Whirinaki Rauropi Rotoehu (RET) me te Kōkako Ecosanctuary.
Haere atu ki tō rātou paetukutuku ki te ako anō mō ā rātou mahi me te mōhio me pēhea te whakauru ki tētahi o ā rātou rā mahi e tū mai nei.
Te tohu i te pehu pai mō tō inu kawhe
Mō ērā me te mihīni huri
He pai rawa atu mō ngā poupana, mō te kawhe tahu mātao mō ngā tiaka Moka me ngā Clever Drippers
He pai rawa atu mō Chemex, V60 me Aeropress
He pai rawa atu mō te Moccamaster
He pai rawa atu mō ngā mihīni espresso o te kāinga me ngā kākano whakakī
Ngā taputapu katoa me te kore whakaaro? Ka whakaākona koe e mātau ki te mahi kawhe pārītā-whaitake me ngā taputapu e mahia ana e koe.
Te āhua pea he mea tino ngāwari te whakamahi i te poupana. Otirā me matatau ki te taira tika me te mea nei mā te tino whiringa kawhe ka pehua te kapu kawhe noa nei ki tētahi tinokawhe hari koa nei! Kua whakaritea e mātau ēnei tohutohu hei manaaki i a koe kia whiwhi i te tino painga mai i tō kawhe.
Ko te ingoa V60 i ahu mai i te pere 60, ko te koki 60° o te koeko ā kei te mahia he momo karāhe Hapanīhi rongonui e Hario. Ko te V60 i puta tuatahi i te karāhe me te uku, kātahi anō i te parahītiki, ā, i te otinga i te mētara. Ko te V60 i āta hangaia me te āhua koeko, rara tōrino me te pūare tahi rahi hei turuturu atu — ko ēnei take e mahi ana i te tahu kia tino urupare ai ki te rere a te wai, me te rahi a te pehu ki ētahi atu mākete. Ānā rā kei te kaimahi ko te kaha whakahaere o te mahi tahi.
Ka taea te whakamahi anō i tō tino hanganga kawhe pārītā momo rātei, pango roa, me ētahi atu espresso taunga inu i runga i te mihīni espresso i te kainga! Ahakoa te kaha ako ā te pārītā me te nui o ngā hāora ia wiki i muri i te mihīni hei whakatika i ā rātau mōhiohio, kei raro iho nei ko ngā whakapū mahi rua hota espresso i te mihīni espresso. He rerekē te mahi o ia mihīni, he rerekē ngā whakaputa otirā ko ēnei ngā tohutaka me ngā tāwhainga whakapū hei mahi espresso.
Ko te Chemex i tenea i te tau 1941 e te Tākuta Kemekara e Peter Schlumbohm—ko tōna aronga ko te mahi i ngā taputapu mō ia rā, kia kaua noa e pai mō te mahi engari kia ātaahua kia whai painga. I tino angitū tana matakitenga; nā te Whare Taonga Toi Hou i whakaatu i ngā tino whakaputanga i te tau 1943, nā ko ngā kaihanga Kawhe tae noa ki ēnei rā e tino āroha ana ki ngā painga ō tēnei tahu.
Ko te huna mā kei te kapu Chemex kei te tātari pepa taumaha kei te hopu i ngā hinu me ngā ngako, kia puta ai te kapu māma, mārama, whakatarapī me te tino rongoreka.
Ko te AeroPress i tenetia i te tau 2005 e Alan Adlar, nāna i hanga te rīngi maka Aerobie — koia i huaina. He tahu kawhe kawenga e mauria nei e te ringa ngaio i ā rātau e haere ana i te ao. Ki te purua e koe ko te whakatinanatanga rongoreka katoa ka taea mā te AeroPress me te ngāwari o te horoi, e kitea ai te take i whiwhi ai tēnei tahu kawhe i te whainga pūmau.
Ko te Moccamaster i mahia e Technivorm, he pakihi nō Hōrana i whakatūria i te tau 1964. Ko ia mea i mahia ā-ringa ā ka hanga ai, me ngā tini momo i hangaia i roto i ngā tau i puta ai ngā momo aratae me ngā āhua. Ko Moccamaster kei te tahu 1.25 rīta o te tino kawhe tātari reka rawa atu, āta haere ai, ata mahi hoki, i roto i te 6 minīti — hāngai ki roto i te tiaka karahe. Ngāwari te mahi, ā, ka whakawhiwhia te tahu ka hikoi atu mēnā he nui rawa ngā mahi a tō whāmere, kei a Moccamaster te mahi tāhoro mōu.
Ko te Tahu Mātao tētahi o ngā ara ngāwari, āutu kawekawe hei mahi i ētahi kapu kawhe reka rawa atu, ka taea te pupuri i roto i te pouaka mātao mo ētahi rā. Ko te Tahu Mātao, e piri nei ki te ingoa, e kore e tukuna kia wera. Tutua te kawhe pehu mātoretore ki roto i te wai mātao mō te 12–24 hāora kia puta ai te inu māma, whakatarapī, iti waikawa, i āhuatia kia tukuna ki runga hukapapa, ki tō whiringa miraka rānei.
Mō te 1 rita mahitanga tahu mātao, whāia tēnei ārahi anō, otirā e mahi i te 85 karamu o te kawhe pehu tino hou ki te 1 Rīta wai tātari mātao. Puāwaitia me te 200 karamu wai, kātahi ka tāpiria te toenga 800 karamu.
Ko te āhua me te kaupapa a te Clever Dripper tau noa ki waenga i te poupana me te tahu tāhoro runga — he tahu tutu, e whiwhi nei i te takirere rerekē kei raro e tiaki ana i te rerenga wai. Ko tēnei e whakatau tahi ana i te tinanatanga katoa me te kapu mā — ko ngā painga o ngā ao e rua kei roto i te tahu tino ngāwari ki te mahi.
Katoa o a mātau peke kawhe ka wairākautia. Ka tāea e koe te whakahoki mai i āu pēke hemahema ki a mātau kia wairākautia mōu ka tāea hoki e koe te puru atu ki tō wairākau i te kāinga. Mēnā kei te haere koe ki te wairākau i te kāinga, anei ētahi tohutohu:
Wetekina te takirere rerenga tahi ka maka i tēnei ki tō ipu para.
Tapatapahia te pēke — ka tino iti ngā wāhanga, ka tere kē atu te pākarukaru.
Whakaranumia ki tō ipu wairākau.
Ko a mātau takai i mahia i Aotearoa mai i te roroi peka whakaputa-roa me te kānga ū ira kore mai i ngā rauemi, ā, e tatū ana ngā ture wairākau ō te ao.
